பெண்களை இலகுவில் ஏமாற்ற வழிசொல்லும் ஆண்கள்

பெண்களின் தனிமை, அவரகளின் பொருளாதார ரீதியான பலவீனம், அதிகாரமற்ற நிலை, பெண்கள் மீது ஆண்கள் சமயத்தின், பண்பாட்டின் பேரில் சமூகம் கொண்டுள்ள அழுத்தமான பார்வை என்பனவற்றைக் முன்னிறுத்தி இலகுவில் பெண்களை வன்முறைக்குற்படுத்தும் பழக்கமும் அவர்;களை விவாகரத்துச் செய்யும் பழக்கமும் இன்று ஆண்கள் மத்தியில் பெருகிக்கொண்டு வருகின்றது.

அண்மையில் இலங்கை அபிவிருத்திக்கான ஊடகவியலாளர் மன்றம் மேற்கொண்ட ஒர் ஆய்விலிருந்து இது தெரியவந்துள்ளது.
பொருளாதார வசதிகொண்ட ஒரு குடும்பத்தில் திருமணம் செய்து, மாமியின் அன்பினையும் மனைவியின் சுகயீனத்தையும் சாட்டாக வைத்து மாமியின் வீடு, நகைகள், காசு பொருட்கள் எல்லாவற்றையும் அபகரித்து விட்டு, இறுதியில் மனைவிக்கு சுகயீனம் என்ற காரணத்தைக் காட்டி விவாகரத்துப் பெற்றுக்கொண்ட ஒரு முஸ்லிம் இளைஞனின் சம்பவத்தை நோக்கலாம்.
கண்டி மாவட்டத்தில் 17 வயது பெண்பிள்ளைக்கு திருமணம் இடம்பெறுகின்றது.


திருமணமாகி சிறிது காலத்தில் அவள் நோய்வாய்ப்படுகின்றாள். மருத்துவ அறிக்கைளுக்கு ஏற்ப இது ஒரு பாரதூரமான வருத்தமோ, அல்லது அதிகம் பயப்படும் படியான வருத்தமோ இல்லை. ஆனால், என்ன வருத்தம், வைத்தியர் என்ன சொன்னார், மருத்துவ அறிக்கைகள் என்ன கூறுகின்றன என்பனவற்றை வெளிப்படுத்தாமல் வைத்திருந்த கணவன் தன்னிஷ்டப்படி அவற்றை மாற்றி திரிபு படுத்தி பகிரங்கப்படுத்திவிட்டார்.

அந்தப் பெண்ணுக்கு ஏதோ பெரிய வியாதியாம், கணவனுக்கு மட்டும் தான் தெரியுமாம்.  மருத்துவ அறிக்கைகள் எல்லாம் வெளியே காட்டினால் மனைவிக்கு சரியில்லை என்பதால் கணவர் அவற்றை மறைத்துவைத்திருக்கின்றாராம் என்று கதை பரவிட்டது. இந்தச் சந்தர்ப்பத்தில் வெளிநாட்டிலிருக்கும் மாமனாரிடமும் அதிக நகைகளை வைத்திருக்கும் மாமியாரிடமும் முறைப்படி வசூலித்துக் கொண்டார் மாப்பிள்ளை. கடைசிக்கட்டம் வரை தன் மகளுக்கு என்ன வருத்தம் என்று பெண்ணின் தாயாருக்குப் புரியவே இல்லை. ஆனால், வயிற்றில் பெரிய கட்டியாம், வயிற்றுக்குள் ஏதோ பெரிய புற்றாம், சொல்லேலாத வியாதியாம் என்றுதான் தாயும் நம்பினார்.

சிலநாட்களில் அந்த இளம் பெண் இறந்து விடுவாள் என்று அதற்கான நாளையும் மாப்பிள்ளை குறித்துவிட்டார். அந்த மனைவி இறக்கப் போகும் நாளை எண்ணி எண்ணி தயார் உள்ள சொத்துக்களையெல்லாம் இறைக்கவும் துணிந்தார். அந்த வீடு சிறிது நாளில் மரண வீடு போல மக்கள் வருவதும் போவதுமாக இருந்தது.

உண்மையில் அந்த மனைவிக்கு வேரொன்றும் இல்லை. தண்ணீர் கட்டி. சிறிய வயதிலும் இதற்கு ஓரிருதடவைகள் அவர் சிகிச்சை பெற்றுள்ளார். மாத்திரைகளால் இலகுவில் குணப்படுத்தக் கூடியதே இந்த வியாதி. இதனை ஒரு கட்டத்தில் ஒப்ரேசன் வரை மாப்பிள்ளை கொண்டு சொன்றார். பல விசேட வைத்தியர்களிடம் மாமியார் விசாரித்த போது ஒபரேசன் இல்லாமல் லேசர் ரீட்மன்ட் மூலம் இந்த வருத்தத்தை இலகுவில் குணப்படுத்தலாம் என்றே கூறியுள்ளனர். ஆனால், மாப்பிள்ளை ஒபரேசன் வரை சென்று விடயத்தை ஒரு பெரிய மேட்டராக மாற்றிவிட்டார்.

காதியாரிடம் சென்று ஒரு நோய்கார மனைவியுடன் வாழமுடியாது எனவே விவாகரத்து வேண்டும் என்று மாப்பிள்ளை கேட்கும் வரை, பாவம் அந்த பையன் ஒரு நோய்கார பெண்ணுடன் வாழமுடியாமல் மனமுடைந்து போயுள்ளான் என்று காதியாரும் பரஸ்பரம் சொல்லும் வரை இந்த மருமகனின் உண்மையான உள்நோக்கம் யாருக்குமே தெரியாது.

இதனால் குறித்த பெண் மட்டுமல்லாது அப்பெண்ணின் பெற்றோரும் துன்பப்பட்டார்கள்.  அத்துடன் காதி நீதிமன்றத்துக்கு சென்றால் அங்கு குறித்த பெண்ணுக்கு தலாக் பெற்றுக் கொடுக்கும் நோக்குடன் காதியாரும் செயற்பட்டதை எண்ணி நொந்துபோனார்கள். மாறாக அந்த பெண்ணின் எந்த நியாயத்தையும் கேட்கவில்லை. இன்றுவரை அவர;கள் தமது பிள்ளைக்காக கொடுத்த  பொருட்களை பெற்றுக்கொடுக்கவுமில்லை. பெறக்கூடிய எந்த முயற்சியும் இடம்பெறவில்லை.

இறுதியில் குறித்த கணவரோ அவளுக்குச் சொந்தமான உடைமைகளைக் கொண்டே இன்னொரு இளம் பெண்ணை மறுமணம் புரிந்துள்ளார். வாழ்க்கையுமில்லை சொத்துமில்லாமல் துன்பப்படுகிறாள். இவ்வாறான செயற்பாடுகளால் பெண்கள் தமது வாழ்க்கையிழந்து உடமையிழந்து தவித்துக் கொண்டிருக்கிறார்கள். இவ்வாறு எமது  பெண்கள் படும் துன்பத்திற்கு நாம் வழங்கக்கூடிய பரிகாரம் என்ன?  விவாகரத்தானது இலகுவாக பெறக்கூடிய நிலையை மாற்றி கடுமையான விதிகளை கொண்டு வருவதன் மூலம் இது சாத்தியப்படுமா?